Qazaqstan Aýǵanstanǵa eksporttaıtyn bıdaı men unnyń, astyq ónimderiniń kólemin ulǵaıtpaq
ASTANA. KAZINFORM – Premer-Mınıstrdiń orynbasary Serik Jumanǵarın Reseıge salynǵan sońǵy sanktsııalar Qazaqstannyń astyq eksportyna keri áser ete me dep alańdaıtyndaryn aıtty.
«Biz Aýǵanstanǵa eksporttaıtyn bıdaı men unnyń, astyq ónimderiniń kólemin ulǵaıtpaqshymyz. Ol úshin balama marshrýtty pysyqtap jatyrmyz. Óıtkeni Saryaǵash, Keles arqyly Mazarı-Sharıfke ótetin soltústik marshrýt shekten tys júktelgen. Óıtkeni tasymal tyǵyzdyǵy joǵary, biz jaqta da, Ózbekstan jaǵynda da ınfraqurylym aıtarlyqtaı eski. Onyń ústine Tashkent aglomeratsııasy boıynda jatyr. Sondyqtan qazir 2025 jyly iske qosylatyn Darbaza-Maqtaaral baǵytyndaǵy jańa jolǵa mán berip otyrmyz. Biz sol jerde ónerkásip kooperatsııasynyń úlken halyqaralyq ortalyǵyn salyp jatyrmyz. Bul stansa ózbektiń Syrdarııa stansasy arqyly ótetin jańa stansa bolady. Ol birden Jyzaq, Buqara arqyly Túrikmenstan men Aýǵanstannyń batysyna ótedi. Áńgime kezinde aýǵanstandyq áriptesterdiń ózi bizge eldiń batys aımaǵyna kóńil bólýdi surady. Bul – Gerat qalasy. Onyń janynda Horasan deıtin ortaq ataýy bar Irannyń birneshe provıntsııasy ornalasqan. Ol aýmaqta birneshe mıllıon adam turady. ıAǵnı, aıtarlyqtaı naryq», - dedi Serik Jumanǵarın.
Onyń sózinshe, qazir Qazaqstan Aýǵanstanǵa jyl saıyn 500-600 myń tonna astyq eksporttap otyr.
