Qazaqstan Aýǵanstanǵa azyq-túlik jiberdi

NUR-SULTAN. QazAqparat - Qazaqstan Aýǵanstanǵa azyq-túlik kómegin jiberdi, dep habarlaıdy QazAqparat QR Syrtqy ister mınıstrligine silteme jasap.

«Qazaqstan kórshiles elderge gýmanıtarlyq kómek kórsetedi. Jaqynda Úkimettiń Aýǵanstanǵa gýmanıtarlyq kómek kórsetý týraly qaýlysy shyqty. Aýǵanstanǵa azyq-túlik kómegi jiberildi. Jalpy ár memleket óz múmkindiginshe, medıtsınalyq quraldar men azyq-túlik syndy kómek berip jatyr», - dedi QR Syrtqy ister mınıstrligi Taıaý, Orta Shyǵys jáne Afrıka departamentiniń dırektory Erjan Muqash Nur-Sultan áýejaıynda.

Eske sala ketsek, búgin Nur-Sultanǵa «Qatar Airways» áýe kompanııasynyń arnaıy reısimen 9 tonna gýmanıtarlyq kómek jetkizildi.

Koronavırýs pandemııasy kezinde Qazaqstanǵa BAÁ, Qytaı, Úndistan, Pákistan, Reseı jáne Túrkııadan gýmanıtarlyq kómek keldi.