Qazaqstan Aýǵanstandy turaqtandyrýda úlken ról atqarady - Aýǵanstan Ulttyq assambleıasy tómengi palata tóraǵasynyń 1-shi orynbasary
trong>. Mamyrdyń 14-i. QazAqparat /Erlik Erjanuly/ - Qazaqstan Ortalyq Azııadaǵy eń úlken el. Bul búgin Almatyda «EQYU-nyń eýrazııalyq ólshemi» degen taqyrypta ótip jatqan Transazııalyq parlamenttik forýmnyń alǵashqy májilisin qorytyndylaý kezinde aıtyldy,
dep habarlaıdy QazAqparat.
«Bizdiń úlken kórshimiz retinde Qazaqstan Aýǵanstandy turaqtandyrýda mańyzdy ról atqarýy tıis. Ásirese ekonomıka men bilim berý salasynda. Biz qazir Qazaqstannyń Aýǵanstandaǵy ınvestıtsııasynyń ulǵaıýyn kútip otyrmyz», deıdi Aýǵanstan Ulttyq assambleıasynyń tómengi palata tóraǵasynyń 1-shi orynbasary Mırvaıs ıAsını. Onyń aıtýynsha, aýǵandyqtar saýatty, demokratııalyq barlyq saılaýlarǵa qatysady. Ókinishke oraı, qazirgi bılikke halyq senbeıdi. Úkimet demokratııadan alshaqtap ketken.
Forýmnyń aımaqtyq qaýipsizdik jónindegi alǵashqy sessııasy «Aýǵanstan, lańkestikpen kúres, esirtki trafıgi, qarýlaný» degen taqyryppen ótken bolatyn. Mırvaıs ıAsınıdiń aıtýynsha, bul máseleler qazir aýǵan halqyn ǵana emes búkil álemdi alańdatyp otyr. Sondyqtan bul jáıtterge erekshe mán berip, máseleni sheshýde járdem jasalmasa Aýǵanstan óz kúshimen tyǵyryqtan shyǵa almaıdy.
