Qazaqstan Aýǵanstandy Ortalyq jáne Ońtústik Azııa arasyndaǵy kópir retinde qarastyrady

TAShKENT. QazAqparat – Qazaqstan Aýǵanstandy Ortalyq jáne Ońtústik Azııa arasyn baılanystyrýshy kópir retinde qarastyrady. Bul týraly «Aýǵanstan: qaýipsizdik jáne ekonomıkalyq damý» halyqaralyq konferentsııasy aıasynda QR Prezıdentiniń Aýǵanstan jónindegi arnaıy ókili Talǵat Qalıev málim etti, dep habarlaıdy QazAqparat menshikti tilshisi.

«Aýǵanstan – bizdiń úlken aımaqtyń bóligi, Ortalyq jáne Ońtústik Azııa arasyndaǵy kópir. Halyqaralyq qoǵamdastyq Aýǵanstandaǵy beıbitshilik pen turaqtylyqty qamtamasyz etý úshin ortaq kúsh-jiger jumsaý kerek. Biz bul baǵytta ekijaqty formatta da, kópjaqty negizde de jumys isteýge daıynbyz», - dedi qazaqstandyq dıplomat.

Ol Tashkent konferentsııasy Aýǵanstandaǵy óńirlik qaýipsizdikti qamtamasyz etý, turǵyndardyń, birinshi kezekte áıelder qaýymynyń azamattyq quqyqtaryn saqtaý, ekonomıkany qalpyna keltirý, óńiraralyq kooperatsııaǵa ıntegratsııalaýdy qosa alǵanda, kóptegen problemalyq máselelerdiń sheshimderin izdestirýdegi ózekti jáne tıimdi alań ekenin atap ótti.

Buǵan deıin Ózbekstan prezıdenti Shavkat Mırzıeev konferentsııaǵa qatysýshylarǵa quttyqtaý sózinde Aýǵanstannyń ýaqytsha úkimetin halyqaralyq terrorıstik uıymdarmen baılanysyn úzýge shaqyrǵany habarlanǵan bolatyn.

Halyqaralyq konferentsııa jumysyna Ortalyq jáne Ońtústik Azııanyń, Eýropanyń, Amerıkanyń, Taıaý jáne Orta Shyǵystyń, Azııa-Tynyq muhıty óńiriniń 20-dan astam elinen Aýǵanstan boıynsha arnaıy ókilder, sondaı-aq BUU, EO, FAO, EYU, IYU, ShYU sarapshylary qatysty.