Qazaqstan Aýǵanstanda tyrysqaq aýrýynyń órshýine baılanysty ońtústik shekarada baqylaýdy kúsheıtti
«Qazirgi tańda Tájikstannyń Aýǵanstanmen aradaǵy shyǵys shekarasy Badahshan ólkesinde 1709-dan astam adamnyń tyrysqaq aýrýyn juqtyrýyna baılanysty jabyq. Biz ońtústik baǵyttaǵy baqylaýdy kúsheıttik. Ol jaqtan bizderge Tájikstan men Aýǵanstannan mıgranttar kelýi múmkin», - dedi ol.
Onyń atap ótýinshe, respýblıkanyń aýmaǵyna karantındik ınfektsııalardyń ákelinýi men taralýynyń aldyn alý maqsatynda memlekettik shekara arqyly ótkizý pýnktterinde jaqyn jáne alys shetelderden keletin adamdarǵa monıtorıng kúsheıtiletin bolady.
Aıta keteıik, Densaýlyq saqtaý mınıstrliginiń málimetterine qaraǵanda, qazirgi tańda álemdegi tyrysqaq boıynsha epıdemıologııalyq jaǵdaı alańdaýshylyq týdyrady. Máselen, DDU-nyń resmı derekteri boıynsha álemniń 19 elinde tyrysqaqtyń 3,3 myńnan astam oqıǵasy tirkelgen, onyń 74-i ólim-jitimmen aıaqtalǵan.
