Qazaqstan Aýǵanstan jerinde ken oryndaryn ıgermek
ASTANA. QazAqparat - QR Indýstrııa jáne ınfraqurylymdyq damý mınıstrligi Aýǵanstanǵa eksporttyq áleýettiń múmkindigi týraly aıtyp berdi, dep habarlaıdy QazAqparat tilshisi.
«Aýǵanstanǵa ónim eksportty 520 mln dollardan astam boldy. Bul turǵyda bıdaı, un, zyǵyr jáne tabıǵı gaz qamtyldy. Degenmen de bizdiń eksportty taǵy da 24 taýarlyq pozıtsııaǵa ulǵaıtý múmkindigi bar. Qazirgi kezde Ózbekstan, Túrkimenstan jáne Aýǵanstanmen arada tıisti kelissózder júrip jatyr. ıAǵnı bul turǵyda bizdiń eksporttyq ónimdi ornalastyrý úshin termınaldardyń júktemesine qatysty talqylaý boldy», - dedi vıtse-mınıstr Tımýr Toqtabaev Parlament Májilisindegi Úkimet saǵatynda.
Onyń sózine qaraǵanda, Aýǵanstan aýmaǵynda jańa júk termınaldarynyń qurylysy pysyqtalýda.
«Temirjol jáne avtokólik kóligine toqtalsaq, búginde prespektıvaly jobalardyń birlesken tizbesi qurylýda. Tıisti qujattar mınıstrlikter arasynda ózara jiberildi. Endi Aýǵanstan tarapynan jaýap kútip otyrmyz. Sonymen qatar ken ornyn paıdalaný turǵysynda da perspektıva bar», - dedi Toqtabaev.
Onyń aıtýynsha, atalǵan elde munaıdyń, mystyń, berıllıdiń, marganetstiń jáne qalaıynyń úlken kólemi shoǵyrlanǵan. «QazMunaıGaz», «Qazgeologııa» kompanııalary áleýetti jobalardy irikteý kelissózderin júrgizýde. Іri jobalar boıynsha úsh munaı ken orny qarastyrylyp jatyr. Osy oraıda jaqyn arada tıisti nátıje bolady dep kútilýde.
Budan buryn habarlanǵandaı, Qazaqstan Aýǵanstandaǵy temirjol qurylysyna úlesin qosady.
