Qazaqstan Aýǵanstan boıynsha BUU aıasyndaǵy halyqaralyq donorlyq konferentsııaǵa qatysty
NUR-SULTAN. QazAqparat – QR Syrtqy ister mınıstrliginiń Erekshe tapsyrmalar jónindegi Elshisi Talǵat Qalıev Aýǵanstanda beıbitshilikke qol jetkizý jáne qaıta qalpyna kelý úderisterine járdem kórsetýine arnalǵan BUU-ǵa múshe memleketter men birqatar halyqaralyq uıymdardyń donorlyq konferentsııasyna qatysty, dep jazady QazAqparat.
Óz sózinde ol Qazaqstan óńirlik turaqtylyk pen qaýipsizdikti qamtamasyz etý úshin Aýǵanstanǵa jan-jaqty qolǵabys kórsetý qajettiligin únemi ustanatynyn málimdedi. Sonymen birge elimizdiń gýmanıtarlyq jáne basqa kómek kórsetý arqyly Aýǵanstandy qalpyna keltirý boıynsha halyqaralyq kúsh-jigerge óz úlesin qosýdy jalǵastyryp otyrǵanyn atap ótti.
Otandyq dıplomat Qazaqstannyń Aýǵanstan halqyna kómek kórsetý úshin Dúnıejúzilik azyq-túlik baǵdarlamasy, BUU-nyń gýmanıtarlyq máselelerdi úılestirý basqarmasy jáne Halyqaralyq Qyzyl Krest komıtetiniń qorlaryna erikti jarnalar engizetinin jarııalady.
