Qazaqstan aýǵan halqyna 46 vagon gýmanıtarlyq kómek jetkizdi

BALH PROVINTsIıASY. QazAqparat - Qazaqstannan barǵan gýmanıtarlyq kómek Aýǵanstan Islam Respýblıkasynyń halqyna resmı tapsyryldy, dep habarlaıdy QazAqparat QR Syrtqy ister mınıstrligine silteme jasap.

Barlyq sanıtarlyq-epıdemıologııalyq normalardy saqtaı otyryp, ishinde 1900 tonna un, 500 tonna makaron ónimderi, 4 myń lıtr kúnbaǵys maıy jáne 200 myń qoıýlatylǵan sút bankasy kiretin 46 vagon gýmanıtarlyq júk jetkizildi.

Resmı is-sharaǵa Balh provıntsııasy ákimshiliginiń, Aýǵanstan SІM jáne Qazaqstannyń Aýǵanstandaǵy elshiliginiń ókilderi qatysty.

Atalǵan azyq-túlik ónimderin AIR úkimeti eldiń muqtaj aımaqtaryna taratady.