Qazaqstan áýejaılary Boıng ushaqtarynyń jańa úlgilerin qabyldaıdy
ASTANA. QazAqparat - QR IDM Azamattyq avıatsııa komıtetinde Boıng kompanııasynyń ókili Rıchard Vaısvılamen (Richard Vaisvila) kezdesý ótip, jańa úlgidegi Boıng 777-8/-9 ushaqtaryna Qazaqstan jerinde qyzmet kórsetý máselesi talqylandy. Bul týraly vedomstvonyń baspasóz qyzmeti habarlady.
Áýe kemeleriniń bul túriniń basty ereksheligi - ushaq áýejaıǵa qonǵan sátten keıin qanatynyń konfıgýratsııasyn ózgertý múmkindigi bar, ıaǵnı áýe kemesiniń qanatynyń bir bóligi jıyryla alady.
Boıng 777 serııaly ushaqtar jetekshi áýe kemeleri ekenin atap ótken jón. Boıng kompanııasy ókiliniń aıtýynsha, qazirgi ýaqytta ushaqtyń jańa úlgisi synaqtan ótýde jáne aldaǵy 2-3 jylda áýe kemesin keńinen paıdalaný bastalmaq.
