Qazaqstan Áýe qorǵanysy kúshteri jas ofıtserlermen tolyqty

ASTANA. 11 qyrkúıek. QazAqparat - Qazaqstan Áýe qorǵanysy kúshteriniń áskerı bólimderi men qurylymdary áskerı oqý ornyn bitirgen túlektermen tolyqty. Qazaqstannyń, Belarýs Respýblıkasy men Reseı Federatsııasynyń áskerı oqý oryndaryn bitirgen 44 leıtenant Taldyqorǵandaǵy avıatsııalyq bazada jas ofıtserlerdiń oqý jıynyna qatysty.

Bul týraly QR Qorǵanys mınıstrliginiń baspasóz qyzmetinen habarlady.

Jas ofıtserler dene jáne atys daıyndyqtary boıynsha daıyndyqtan ótip, memlekettik-quqyqtyq daıyndyq, Jalpy áskerı jarǵy, memlekettik qupııalardy qorǵaýdan lektsııalar tyńdady. Jıynda alǵan bilim men tájirıbe jas ofıtserlerdiń erteńgi áskerı qyzmetine paıdasyn tıgizeri sózsiz.

Sondaı-aq, jańadan kelgen áskerı qyzmetshiler moraldik-psıhologııalyq jaǵdaıyn anyqtaý maqsatynda psıhologııalyq testileýden ótkizildi.

Jıynǵa Áskerı áýe kúshteri qolbasshysynyń tárbıe jáne áleýmettik-quqyqtyq jumystar jónindegi orynbasary polkovnık Erkin Jumaǵalıev basshylyq jasady, ol jas leıtenanttarǵa qyzmetterine tabys, óz mamandyqtarynyń erekshelikterin tolyq meńgerýlerin tiledi.