Qazaqstan áýe kompanııasy 25 maýsymnan bastap Taıaý Shyǵysqa qaıta ushady
ASTANA. KAZINFORM — Taıaý Shyǵysta atystyń toqtatylýyna baılanysty Air Astana áýe kompanııasy Irannyń áýe keńistigin aınalyp ótip, osy óńirge ushýdy qaıta bastaıdy, dep habarlaıdy kompanııanyń baspasóz qyzmeti.
Air Astana áýe kompanııasynyń málimetinshe, 25 maýsymda kelesi reıster oryndalady dep kútilip otyr, barlyq jerde jergilikti ýaqyt kórsetilgen:
- KC205 Astana-Dýbaı, 11:00
- KC206 Dýbaı-Astana, 16:40
- KC653 Almaty-Doha, 11:00
- KC654 Doha-Almaty, 15:05
- KC897 Almaty -Dýbaı, 11:15
- KC898 Dýbaı-Almaty, 16:10
— Sondaı-aq eń syıymdy Boeing 767 áýe kemesinde KS8980 Dýbaı-Almaty reısi saǵat 17: 40-ta repatrıatsııalyq reıs oryndalady. Bul reısterge bıletter satylymda. Kesteni áýe kompanııanyń saıtynda tekserýdi suraımyz. Reıster ushý qaýipsizdiginiń joǵary standarttaryna sáıkes oryndalady, — dep atap ótti kompanııanyń baspasóz qyzmeti.
Buǵan deıin 2025 jylǵy 24 maýsym kúngi jaǵdaı boıynsha Taıaý Shyǵystaǵy áskerı-saıası ahýaldyń kúrt shıelenisýine baılanysty birqatar elde resmı túrde shekteýler engizilip, azamattyq avıatsııaǵa arnalǵan áýe keńistikteri jabylǵan edi.