Qazaqstan aýdıtorlary halyqaralyq deńgeıge shyǵady
«Joǵary Eýrazııalyq ekonomıkalyq keńestiń sheshimine sáıkes, aýdıt salasyndaǵy qyzmetter biryńǵaı naryqty qalyptastyratyn qyzmetter sektorynyń tizbesine kiredi», - dep atap ótedi vedomstvodan.
QR QM Býhgalterlik esep, aýdıt jáne baǵalaý ádisnamasy departamentiniń dırektory Anar Qalıevanyń túsindirýinshe, endigi ýaqytta taraptardyń árqaısysy – Armenııa Respýblıkasy, Belarýs Respýblıkasy, Qazaqstan Respýblıkasy, Qyrǵyzstan Respýblıkasy, Reseı Federatsııasy, ekinshi taraptyń tulǵalaryna ulttyq rejım men barynsha qolaıly jaǵdaı jasaý rejıminde, tsıfrlyq jáne ınvestıtsııalyq sharalardy qoldanbaý sharttarynda shekteýsiz, alyp qoıýsyz jáne qosymsha talapsyz qyzmetterdi jetkizýge jáne alýǵa quqyq berýge mindetti bolady.
«Aýdıtorlardyń qyzmeti eldiń ınvestıtsııalyq tartymdylyǵyna tikeleı áser etetinin túsiný kerek. Eýrazııalyq ekonomıkalyq odaq memleketteriniń Prezıdentteri 2022 jylǵy 19 sáýirde qol qoıǵan Aýdıtorlyq qyzmetti júzege asyrý týraly kelisimmen, onyń ishinde ruqsat berý, tizilimdi júrgizý, sapany syrtqy baqylaý máseleleri retteledi. Aýdıtorlyq uıymdardyń básekege qabiletin arttyrýdaǵy negizgi máseleniń biri - Halyqaralyq býhgalterler federatsııasy qabyldaıtyn halyqaralyq aýdıt standarttaryn Eýrazııa ekonomıkalyq odaǵynyń búkil aýmaǵynda qoldaný ýaǵdalastyǵy», - dep túsindiredi ol.
Departament dırektorynyń atap ótýinshe, halyqaralyq aýdıt standarttary álemniń kóptegen elderinde qabyldanǵan.
Ol ekonomıkalyq qatynastardy nyǵaıtýǵa jáne ıntegratsııalyq protseske yqpal etedi.
«Elimiz Táýelsiz Memleketter Dostastyǵynan alǵashqylardyń biri bolyp halyqaralyq aýdıt jáne qarjylyq esep standarttaryna kóshkenin aıta ketý kerek. Aýdıtorlyq mamandyq tutastaı alǵanda yntymaqtastyq pen básekelestik rýhyna tán. Bul otandyq aýdıtti odan ári jetildirýge kómektesedi. Ártúrli klıentter ártúrli tásildi qajet etedi jáne kez kelgen klıent (úlken jáne kishi) óz fýnktsııasyn laıyqty oryndaıtyn jáne kásibı etıka normalaryn ustanatyn aýdıtorlyq kompanııaǵa qyzyǵýshylyq tanytady. Osyǵan baılanysty aýdıtorlyq qyzmetterdiń halyqaralyq naryǵy úlken jáne kishi uıymdardyń damýyna múmkindik beredi», - dedi Anar Qalıeva.
