Qazaqstan aýasyn kim kóp lastaıdy
NUR-SULTAN. QazAqparat – Іs basyndaǵy ekologtar qaýymdastyǵynyń ókili Laýra Málikova aýa sapasyn baqylaý jáne AQ1 ındeksine kóshý máselelerine arnalǵan dóńgelek ústelde Qazaqstanda aýany kim lastaıtynyn málim etti, dep habarlaıdy QazAqparat.
«Qazaqstanda aýany kim lastaıdy? Bul, birinshiden, jylý elektr stansalary, elektr energetıkasynyń kásiporyndary, kómirmen jumys isteıtin jylý elektr stantsııalary. Odan keıingi orynda taý-ken metallýrgııa sektory tur. 2019 jylǵy derekter boıynsha osy sektordan 760 myń tonna, munaı óndirýden 520 myń tonna shyǵaryndy qorshaǵan ortaǵa tastalǵan. Sonymen qatar, kólik jáne agroónerkásip kesheni bar. Jalpy, 2019 jyly atmosferaǵa 2,5 mln tonna qaldyq shyǵaryldy», - dedi Laýra Málikova.
Shara barysynda elimizde sońǵy jyldary aýa tazalyǵyn baqylaý úshin udaıy monıtorıng júrgiziletini aıtyldy. Jıynǵa qatysýshylar aýa sapasyn baǵalaıtyn AQI-Air quality ındeksine jappaı kóshý múmkindikterin de talqylady. Qazaqstanda bul ındeks áli zańnamalyq deńgeıde paıdalanylmaıdy. Biraq álem boıynsha aýanyń lastanýyn boljaý úshin keńinen qoldanylyp otyr.
