Qazaqstan aýanyń lastanýy jaǵynan álemdik reıtıngtiń ondyǵyna endi
ASTANA. QazAqparat - Qazaqstan aýasynyń lastanýy jaǵynan Ortalyq Azııada aldyńǵy oryndardan kórindi. Bul týraly týraly brıtandyq The Eco Experts uıymynyń zertteýinde aıtylǵan, dep habarlaıdy QazAqparat.
«Atalǵan uıym sarapshylary qorshaǵan ortanyń 5 faktoryn negizge ala otyryp, 135 elden derekter jınaqtady. Osy oraıda jan basyna shaqqandaǵy energııany tutyný, otyn jaǵýdan kómirqyshqyl gazynyń (SO2) deńgeıi, aýanyń lastanýy, aýanyń lastanýyna baılanysty ólim-jitim jaǵdaılary, jańaratyn energııa kózderi baǵytyndaǵy máseleler qamtyldy»,- dep jazady ca-news.org.
Zertteý nátıjesi boıynsha Qyrǵyzstan Ortalyq Azııada qorshaǵan ortadaǵy ýlaǵysh quramdasy jaǵynan taza memleket bolyp tanyldy. Atalǵan kórsetkish aıasynda ekinshi orynnan Tájikstan kórindi. Al Ortalyq Azııada eń toksındi memleketter retinde Qazaqstan men Túrkmenstan anyqtaldy.
The Guardian málimetinshe, 2020 jylǵa qaraı Qytaı jańaratyn energııa kózderine 292 mlrd. fýnt sterlıng ınvestıtsııa salýǵa umtylýda. Bul turǵyda QHR «jasyl» bolashaq jolyna belsendi qadamdar bastaǵany kórinip otyr.
Sonymen qatar eýropalyq elder arasynda Lıýksembýrg eń toksındi bolyp tirkeldi. Bul memleket kórshiles elderden keletin lastaǵysh quramdastan qatty zardap shegýde, ásirese buǵan Germanııa men Belgııa áser etýde.
Sonymen, nazarlaryńyzǵa álemde toksındik deńgeıi jaǵynan alǵashqy ondyqqa enip otyrǵan elderdi usynamyz:
- Saýd Arabııasy;
- Kýveıt;
- Qatar;
- Bahreın;
- Birikken Arab Ámirlikteri;
- Oman;
- Túrkmenstan;
- Lıvııa;
- Qazaqstan;
- Trınıdad jáne Tobago.
Baıandamaǵa sáıkes, toksındigi eń tómen elderdiń qatarynan Kenııa, Mozambık jáne Efıopııa tabyldy. Óndiristik qýattardyń joqtyǵynan bul memleketterde aýanyń lastanýy baıqalmady. Búginde Afrıkada aýyzsý sapasy naqty problemaǵa aınalyp otyr.
