Qazaqstan aýaǵa parnıktik gazdardy shyǵarý mólsherin azaıtpaq - energetıka mınıstri
«Qazaqstan aýaǵa kómirqyshqyl gazdardyń mólsherin jan basyna shaqqanda álemdik kórsetkishten eki esege jýyq kóp shyǵarady. Bul másele óz kezeginde aýany lastaý deńgeıin tómendetýdiń jańa joldaryn izdeýdi mindetteıdi», - dedi ol.
Onyń aıtýynsha, klımattyń ózgerýine baılanysty Qazaqstan aýaǵa tastalatyn zııandy gazdardy tómendetýdi óziniń basty maqsattarynyń biri retinde qarastyryp otyr. Qazirgi ýaqytta bizdiń elimiz klımattyń ózgerýi jáne aýany lastaýdy azaıtý baǵytyndaǵy jumysty halyqaralyq jáne álemdik uıymdarmen birlese otyryp atqarýda.
«2013 jyly Qazaqstanda kómirtek naryǵy paıda boldy, 2014 jyly parnıktik gazdarǵa beriletin kvotalardyń ulttyq jospary jasaldy. Zańnamaǵa tıisti ózgertýler engizildi», - deıdi ol.
Qazirgi ýaqytta parnıktik gazdardy aýaǵa taratý jónindegi kvotalar 166 kásiporynǵa berilgen.
