Qazaqstan atynan óner kórsete bastaǵan tennısshi E.Korolev alǵashqy jeńiske jetti
ASTANA. Qańtardyń 12-si. QazAqparat - Qazaqstannyń atynan óner kórsete bastaǵan tennısshi Evgenıı Korolev keshe Avstralııada bastalǵan jalpy júlde qory 372 myń dollardy quraıtyn «Medibank International Sydney" halyqaralyq týrnıriniń Masters serııasynda ekinshi aınalymǵa shyqty.
«Bizdiń sport» saıtynyń habarlaýynsha, E.Korolevtiń alǵashqy aınalymdaǵy qarsylasy amerıkandyq Sem Kýerrı bolǵan. 1 saǵat 47 mınýtqa sozylǵan match bizdiń sportshyǵa birshama qıyndyq týdyrǵan. Alǵashqy sette amerıkandyqty 6:2 esebimen ońaı jeńgen ol ekinshi aınalymda 5:7 esebimen utylǵan. Biraq, sońǵy sheshýshi partııa 6:4 esebimen E.Korolevtiń paıdasyna sheshilgen.
Aıta keteıik, keshe QazAqparat álemniń 53-shi tennısshisi 21 jastaǵy máskeýlik Evgenıı Korolevtiń Qazaqstan atynan óner kórsetetindigin habarlaǵan bolatyn. Onda «Eýrosport» saıtyna suhbat bergen Reseı Tennıs federatsııasynyń prezıdenti Shamıl Tarpışev Qazaqstan Tennıs federatsııasy sportshyǵa óte tıimdi qarjylyq shart usynǵandyǵyn aıtqan. Jalpy buǵan deıin Qazaqstan atynan reseılik Andreı Golýbev, Mıhaıl Kýkýshkın, ıAroslava Shvedova, Galına Voskoboeva, sonymen qatar bolgarlyq Sesıl Karatancheva óner kórsete bastaǵan edi.
