Qazaqstan atynan «Álemniń úzdik muǵalimi» baıqaýyna kimder qatysady
NUR-SULTAN. QazAqparat – «Álemniń úzdik muǵalimi» syılyǵynyń irikteý kezeńine Qazaqstan atynan 11 pedagog qatysatyn boldy, dep habarlaıdy Qazaqparat tilshisi.
«Qoǵamdyq mańyzdy bastamalardy damytý qorynyń quryltaıshysy Álııa Nursultanqyzy «Álem muǵalimi» syılyǵynyń irikteý kezeńine elimizdiń atynan qatysatyn 11 pedagogtyń esimderin jarııalady. Qazaqstan pedagogtarynyń jahandyq syılyqqa qatysýy Qoǵamdyq mańyzdy bastamalardy damytý qorynyń – Halyqaralyq Varke qaıyrymdylyq qory («Varkey GEMS Foundation») quryltaıshysy bolyp tabylatyn Dúnıejúzilik syılyqtyń Qazaqstandaǵy resmı ókiliniń qoldaýymen múmkin bolyp otyr», - delingen Qoǵamdyq mańyzdy bastamalardy damytý qory taratqan aqparatta.
Úzdik kandıdattardy quramyna Bilim jáne ǵylym mınıstrliginiń, ata-analar qaýymdastyǵynyń, úkimettik emes uıymdardyń ókilderi, bilim salasyndaǵy táýelsiz sarapshylar, fılantroptar kiretin Táýelsiz sýdıalar akademııasy PricewaterhouseCoopers halyqaralyq aýdıtorlar komandasynyń baqylaýymen iriktep alǵan.
Sonymen, Dýbaıda 2020 jyldyń naýryz aıynda ótetin, pedagogtar úshin Nobel syılyǵynyń balamasy sanalatyn «Álem muǵalimi» Halyqaralyq premııasyna ótinimderi jiberiletin muǵalimder mynalar:
1.⠀Albaeva Tamara Ǵabıtqyzy - Aqtóbe qalasy №23 mektep-lıtseıiniń qazaq tili men ádebıeti pániniń muǵalimi;⠀
2. Álıeva Lázzat Nurǵalyqqyzy - Nur-Sultan qalasy RFMM fılıalynyń geografııa jáne jaratylystaný muǵalimi;
3. Bazarǵalıeva Baıan Temirjanqyzy – Aqtóbe oblysynyń daryndy er balalarǵa arnalǵan «Bilim ınnovatsııa» mamandandyrylǵan lıtseı-ınternatynyń qazaq tili men ádebıeti muǵalimi;⠀
4. Dolaev Arhat Sadyrbaıuly – Almaty qalasy RFMM matematıka muǵalimi
5. Qalmahanova Aıgúl Bazarbaıqyzy - Jambyl oblysy Jambyl aýdanyndaǵy Baımyrza Besbaev atyndaǵy mektep-gımnazııasynyń orys tili men ádebıeti pániniń muǵalimi;⠀
6. Mergenbaeva Nazıgúl Orazbaıqyzy - Almaty qalasy №148 mektep-gımnazııasynyń bastaýysh synyp muǵalimi;⠀
7. Nadırova Gúlsim Kurmanbaıqyzy - Mańǵystaý oblysy Mańǵystaý aýdany Saıótes aýylyndaǵy «Ótes» orta mektebiniń geografııa pániniń muǵalimi;⠀
8. Orynbekov Arman Shymbaıuly - Shymkent qalasy №90 orta mektebiniń tarıh pániniń muǵalimi;
9. Tileýlov Erbol Ernstuly – Shymkent qalasy fızıka-matematıka baǵytyndaǵy NZM dene shynyqtyrý muǵalimi;⠀
10. Jumabekov Ashat Sovethanuly – 2018 jylǵy «Úzdik pedagog» respýblıkalyq baıqaýynyń jeńimpazy, Halyqaralyq Varke qoǵamdyq qorynyń «Álem muǵalimi» premııasynyń irikteý kezeńine qatysýǵa arnaıy shaqyrtýynyń ıegeri, Semeı qalasy. NZM fızıka jáne matematıka muǵalimi.
11. Gýl Mýammer - Nur-Sultan qalasynyń daryndy er balalarǵa arnalǵan «Bilim-ınnovatsııa» lıtseı-ınternatynyń matematıka pániniń muǵalimi. «Qazaqstan muǵalimi» Ulttyq premııasynyń jeńimpazy, Damý qory bekitken 4 mln teńge kólemindegi aqshalaı syılyqtyń ıegeri jáne «Jahandyq premııanyń Qazaqstandaǵy ambassadory» atanǵan ustaz.
