Qazaqstan atys qarýynyń qaı túrin ózi óndiredi

Ónerkásip jáne qurylys mınıstrligindegiler atys qarýynyń qaı túri ózimizde óndiriletinin aıtty, dep habarlaıdy Kazinform. 

«Búgingi tańda otandyq kásiporyn sanalatyn «Batys Qazaqstan mashınaqurastyrý kompanııasy» AQ jumys istep tur. Bul kásiporyn iri kalıbrli «Ýtes» pýlemetiniń bas ázirleýshisi bolyp esepteledi. Qarýdyń bul túrin Qarýly Kúshterdiń múddesine de, Qazaqstan Respýblıkasynyń ózge jaýyngerlik qurylymdarynyń múddesine de shyǵarady. Eksporttap ta otyr», - delingen redaktsııa saýalyna joldanǵan jaýapta.

Mınıstrlik málimetinshe, atalmysh óndiristiń jergilikti úlesi – 95%. Qarý jermen júretin, teńizde júzetin jáne áýede tómen ushatyn, jeńil qursaýlanǵan nysanalardy 2 myń metrge deıingi qashyqtyqtan joıa alady.

Mınıstrlik jaýabynda ulttyq zańnama budan ózge málimetterdi jarııa etýge ruqsat bermeıtini aıtylǵan.