«Qazaqstan - atajurtym, qasıetim - ana tilim» H halyqaralyq qazaq tili men ádebıeti pánderi olımpıadasynyń qorytyndysy jarııalandy
Bul týraly «Daryn» respýblıkalyq ǵylymı-praktıkalyq ortalyǵynan habarlandy.
Jıyn barysynda Bilim jáne ǵylym mınıstrliginiń mektepke deıingi jáne orta bilim departamentiniń dırektory J.Jontaeva: «Til ótkir naızadan da, qylyshtan da, til sóıleıdi namysqa tyrysqanda» demekshi, sizder bar múmkinderińizdi kórsete aldyńyzdar dep oılaımyn», dedi olımpıada qatysýshylaryna.
Álemniń on bir elinen kelgen 99 úmitkerdiń ishinen І oryndy Qytaı elinen kelgen 12-synyp oqýshylary Maqsat Ǵymıyńnuruly men Mahabat Tilebaldy jáne Mońǵol Halyq Respýblıkasynyń 10-synyp oqýshysy Ásemgúl Ádilbek ıelendi. Ózbekstannan kelgen eki qatysýshy jáne Reseı, Mońǵol, Qytaıdan kelgen úmitkerler ekinshi orynǵa qol jetkizdi. Al úshinshi orynǵa Qytaı elinen kelgen úsh oqýshy men Ózbekstan, Qyrǵyzstan, Mońǵol, Reseı elderinen saıypqyrandar ózara bólisti.
Sonymen qatar olımpıadaǵa qatysýshylar «Eń úzdik shyǵarma», «Jeńiske degen talpynysy úshin» jáne «Eń jas qatysýshy» atalymdary boıynsha Gramottarmen marapattaldy. Oqýshy jetekshilerine QR Bilim jáne ǵylym mınıstriniń jáne «Daryn» respýblıkalyq ǵylymı-praktıkalyq ortalyǵynyń Alǵys hattary tabys etildi.
