Qazaqstan ataýynyń qoldanysqa engenine 100 jyl toldy
ALMATY. 16 naýryz. QazAqparat /Erlik Erjanuly/ - Búgin "Qazaqstan" gazetiniń jaryq kórgenine 100 jyl toldy. Bul basylym qazaqtyń eń alǵashqy pýblıtsısteriniń biri sanalatyn Eleýsiz Buırınniń redaktorlyǵymen 1911-1913 jyldary qazaq jáne orys tilderinde jaryq kórgen bolatyn.
Basylymnyń alǵashqy 2 nómiri 1911 jyldyń naýryz-sáýir aılarynda Ordada, al 1912 jylǵy 16 nómiri Oralda shyqty. Onyń 16-sy Kitap palatasynyń muraǵatynda saqtalyp qalǵan. Gazet jergilikti patshalyq ákimshilik tarapynan bolǵan qysym men qarjylyq qıyndyqtarǵa baılanysty 1913 jyly óz qyzmetin toqtatýǵa májbúr boldy. Jalpy bul basylym qazaqtardy qajetti mamandyqtardy ıgerý men ǵylym- bilimdi nasıhattaýdy óziniń aldyna basty maqsat etip qoıǵan bolatyn. Onda qoǵamnyń kókeıkesti máselelerin kótergen "Bizdiń ahýal", "Qyrǵyzdar (qazaqtar) qalaı ómir súredi" degen sııaqty ózekti taqyryptardaǵy materıaldardyń mazmuny jalpydemokratııalyq jáne aǵartýshylyq sıpatta boldy. Onyń jumysyna qazaqtyń tuńǵysh zańgeri Baqytjan Qarataev jáne asa kórnekti qoǵam qaıratkerleri Seıtqalı Meńdeshov pen Gumar Qarashev sııaqty alash zııalylary belsendi aralasyp, hal-qadirinshe qarjylaı qoldaý kórsetip otyrǵan
