Qazaqstan ataýy aıaq astynda jazylǵanyn qalamaımyn – Dımash brazılııalyq jankúıerlerge ótinishin joldady
«Eń aldymen, meniń ánderimdi kúnnen-kúnge súıip tyńdap, ónerime degen mahabbattary artyp kele jatqan brazılııalyq, jalpy Latyn Amerıkalyq tyńdarmandaryma úlken alǵysymdy bildirgim kelip tur. Sizderdiń bul tosyn syılaryńyzdy da sol súıispenshiliktiń belgisi dep bilemin», - dep jazdy ánshi Instagram paraqshasynda baspaldaqqa jazylǵan «Qazaqstan» ataýynyń sýretin jarııalap.
Ánshi alaıda týǵan jeriniń, júreginiń tórinen oryn alǵan asyl ólke - Qazaqstanymnyń ataýy aıaq astynda jazylǵanyn qalamaıtynyn jetkizdi.
«Túsinemin, bul syılyq maǵan degen tap-taza kóńilderińizden týyndap jatyr.
Biraq, kezinde uly adam sheber sportshy Muhammed Alıdi de óte syılap, «Juldyzdar alleıasynan» oryn bergende ol kisi óz esiminiń jerde, aıaq basar tusta taptalyp jatqanyn qalamaı, sol baqtyń qabyrǵasyna, ıaǵnı joǵary jaqqa jazýlaryn suraıdy. Sebebi paıǵambardyń esimi aıaq astynda qalmaý kerek. Sol sııaqty meniń qazaq elimniń de ataýy tek joǵaryda tursa eken degen tilegim bar ekenin jetkizgim keledi, ár bir el tek bıikten kórinýge laıyqty (!)» - deıdi ol.
Osylaısha Dımash Qudaıbergen brazılııalyq tyńdarmandaryna ótinishin durys jaǵynan túsinip, qabyl alar degen úmit bildirdi.
«Aq nıetterińiz úshin taǵy da rahmet», - dep túıdi ánshi.
