Qazaqstan at sportynan Polshadaǵy halyqaralyq týrnırde úsh medal jeńip aldy
ASTANA. KAZINFORM — Vejbnada (Polsha) at sportynan Wierzbna Bialy Las halyqaralyq týrnıri aıaqtaldy. Qazaqstan quramasynyń ókilderi jarysta úsh medal ıelendi.
Jarystyń sheshýshi kúninde qazaqstandyq sportshylar kedergi bıiktigi 120 santımetr bolatyn CSI3* konkýrynda birinshi jáne ekinshi oryndardy aldy.
Raısa Sokolenko Chevalier atymen jarys jolyn aıyp upaıynsyz aıaqtap, altyn medal jeńip aldy. Ekinshi orynǵa Shenanigan atymen óner kórsetken Oleg Sokolenko jaıǵasty.
Úshinshi oryn polshalyq Malgojata Koshýtskaǵa V-Querida of Vigo Z atymen buıyrdy.
Raısa Sokolenko buǵan deıin de bir júlde jeńip alǵan. Qazaqstandyq sportshy Chevalier atymen kedergi bıiktigi 120 santımetr bolatyn CSI1* básekesinde kúmis medal ıelendi.
Osylaısha, Qazaqstan quramasy týrnırdi bir altyn jáne eki kúmis medalmen qorytyndylady.
Aıta ketelik Qazaqstannan 150-den astam sportshy VI Dúnıejúzilik kóshpendiler oıyndaryna qatysyp jatyr.
