Qazaqstan astyqqa eksporttyq baj salyǵyn engizýdi josparlap otyrǵan joq - QR AShM
Vedomstvonyń málimetine qaraǵanda, RF tarapy 2014 jyly 104,9 mln. tonna kóleminde astyq jınap, bul óz kezeginde eksporttyq áleýetti 28-30 mln. tonnaǵa deıin jetkizýge múmkin berdi. Osy eldiń bıylǵy eksporttyq áleýeti 2013/2014 marketıngtik jylyna qaraǵanda 3,3-5,3 mln. tonnaǵa artyq boldy.
Osy oraıda aǵymdaǵy maýsymnyń basynan (2014/2015 marketıngtik jyly) jańa egin astyǵynyń úlken usynysyn eskere otyryp, reseılik astyqtyń eksportqa baǵyttalýynyń joǵary qarqyny baıqalýda. Atap aıtqanda, 2014 jylǵy jeltoqsannyń ortasyna qaraı eksportqa 21 mln. tonnaǵa jýyq astyq shyǵarylyp, bul 2013 jyldyń tıisti kezeńindegi kórsetkishten 33 paıyzǵa asyp tústi. Sonymen qatar ishki naryqta da astyq usynysy qysqaryp, sonyń nátıjesinde bul jaǵdaı baǵanyń ósýin yntalandyrýda.
Bul turǵyda astyq naryǵynda jaǵdaıdy turaqtandyryp, halyqty nan ónimderimen tıisti deńgeıde qamtamasyz etý maqsatynda RF Úkimeti 2015 jyldyń 1 aqpanynan jumsaq bıdaıǵa shyǵarylatyn kedendik baj salyǵyn engizý arqyly astyq eksportyna shekteý engizedi.
Al Qazaqstannan astyq eksportyna toqtalatyn bolsaq, QR AShM-nyń aldyn ala málimeti boıynsha 2014 jyldyń egin oraǵynan 18,9 mln. tonna astyq bastyryldy. Sonymen qatar óńdelgennen keıin astyqtyń jalpy jıyntyǵy 17 mln. tonna kóleminde bolady dep kútilýde.
«Byltyrdan 4,1 mln. tonna kóleminde qalǵan astyqqa bıylǵy kólemdi qosyp eseptegende, sondaı-aq ishki naryqta tutynylatyn 9,5 mln. tonna astyqty eskersek, eksporttyq áleýetti 7 mln. tonnaǵa deıin jetkizý múmkindigi bar. Atap aıtqanda astyq eksporty boıynsha shekteý sharalaryn qabyldaý qarastyrylyp otyrǵan joq», - delingen «QazAqparat» agenttigine berilgen jaýapta.