Qazaqstan astyq eksporttap otyrǵan Iran naryǵynan da aıyrylyp qalýy múmkin
«Bizdiń astyq ótkizetin naryqtarymyz kóp emes. Sondyqtan qoldaý kórsetýge nazar aýdarý qajet. Bizge naryqty retteýdiń qajeti joq. Kerisinshe, oǵan eksporttaý múmkindigin ózi tabýyna múmkindik berý qajet», - dedi Aleksandr Malov BAQ ókilderine arnalǵan dóńgelek ústel barysynda.
Sonymen qatar ol Qazaqstan astyq eksporttaıtyn dástúrli naryqtarynan aıyrylyp jatqanyna nazar aýdardy.
«Sońǵy 5 jylda Qyrǵyzstan naryǵyn joǵaltyp alǵanymyz fakt. Búginde ne oryn alyp jatyr? Bıyl Iran naryǵynan sózsiz aırylamyz. Reseı astyǵy men jemdik daqyldar, sonymen qatar arpa tómen baǵasymen jáne kólemimen atalǵan naryqty basyp aldy. Qazaqstanda da arpa negizgi eksporttyq daqyldardyń biri. Búginde Iran baǵytyna bizdiń astyq pen arpa baǵa jaǵynan da, qandaı da bir kórsetkishter boıynsha da básekege qabiletti emes», - dedi ol.