Qazaqstan astyǵynyń eksporttyq áleýeti shamamen 15 mln. tonnany quraıdy - vıtse-mınıstr
ASTANA. 24 qańtar. QazAqparat /Marlan Jıembaı/ - 2011-2012 marketıng jylyndaǵy Qazaqstan astyǵynyń eksporttyq áleýeti shamamen 15 mıllıon tonnany quraıdy.
Bul týraly búgin elordada QR Aýyl sharýashylyǵy vıtse-mınıstri Múslim Ómirıaev málim etti.
«2011 jyldyń qyrkúıek-jeltoqsanyndaǵy astyq eksportynyń kólemi shamamen 4,2 mıllıon tonna boldy jáne bizdiń boljam boıynsha, 2011-2012 marketıng jylyndaǵy Qazaqstannyń eksporttyq áleýeti shamamen 15 mıllıon tonna astyqty quraıdy. Eksporttyq múmkinshilik atalǵan jospardy oryndaýǵa múmkindik beredi, degenmen, astyq tasymaldaıtyn vagondarmen qamtamasyz etý máselesi shekteýshi faktor bolyp otyr», - dedi ol.
Onyń atap ótýinshe, elimizdiń astyq tasymaldaıtyn vagondarynyń sany qazirgi tańda 5200 birlikti quraıdy. Bul tasymalǵa jetkiliksiz. Sondyqtan da «Qazaqstan temir joly» memleketten tysqary jerlerden astyq tasymaldaıtyn vagondardy jalǵa alýǵa májbúr.
