Qazaqstan astyǵyn Qytaı arqyly Ońtústik-Shyǵys Azııaǵa eksporttaýǵa basymdyq berilmek
Aýyl sharýashylyǵy mınıstrligi Agroónerkásip keshenindegi memlekettik ınspektsııa komıtetiniń málimetinshe, Qazaqstan astyǵyna ár ýaqytta da suranys bar. Bizdiń negizgi naryqtarymyz - Iran, Túrkııa, Reseı, Ázerbaıjan, Qyrǵyzstan, Ózbekstan, Tájikstan elderi. Qazirgi ýaqytta Ońtústik-Shyǵys Azııa elderi men Qytaıǵa astyǵymyzdy eksporttaýǵa baǵyttalǵan jumystar júrgizilýde.
Ońtústik-Shyǵys Azııa elderine astyq eksporttaý máselesi búginde óz sheshimin tapty dese de bolady. Sońǵy 3-4 jyl boıy biz Qytaıǵa astyq eksporty jyldan-jylǵa eselenýde. Budan bólek, bolashaqta Qytaı arqyly Ońtústik-Azııa elderine, onyń ishinde Ońtústik Koreıaǵa shyǵý múmkindigi qarastyrylýda.
Qyrkúıek aıynyń sońynda Agroónerkásip keshenindegi memlekettik ınspektsııa komıtetiniń tóraǵasy Saqtash Qasenov 2014-2015 marketıng jylynda Qazaqstan 7 mln. tonna astyq eksporttaıtynyn aıtqan bolatyn. Onyń sózine qaraǵanda, Qazaqstanda halyqtyń tutynýyna jáne mal azyǵyna 6 mln. tonna astyq qajet. «Mine, osyny jáne ótken jyldan qalǵan bıdaıdy eskersek, keminde 7 mln. tonna astyqty eksportqa shyǵarýǵa áleýetimiz jetkilikti», - dedi komıtet tóraǵasy.
Atap aıtqanda, elimizdegi ÚIID baǵdarlamasy aıasynda aýyl sharýashylyǵy taýarlaryn óndirýshilerge tıisti qoldaý jasalýda. Osy oraıda maqsat - aýyl sharýashylyǵynda sapaly ónimdi eksporttaýǵa jaǵdaı jasap, elimizdiń sapaly unyn sheteldegi tutynýshylaryn barynsha arttyrý.
Іshki naryqtaǵy astyq baǵasy kóterilip otyr. 2014 jyly 3-shi surypty jumsaq bıdaıdyń ishki naryqtaǵy baǵasy tonnasyna 42 myń teńgeni qurady. Bul ótken jylǵy baǵamen salystyrǵanda birshama joǵary.
Komıtet basshysynyń sózine qaraǵanda, 4-shi surypty bıdaıdyń tonnasy 36 myń, 5-shi surypty bıdaı 28 myń teńgeni quraıdy.
«Osylaısha astyq shyǵymy men sapasynyń tómendeý aǵymdaǵy jyly astyq baǵasynyń artýy esebinen óteletin bolady», - dedi S.Qasenov.