Qazaqstan AstraZeneca vaktsınasyn jetkizý boıynsha kelissózderdi toqtatty
Onyń aıtýynsha, AstraZeneca vaktsınasy boıynsha basqa elderde kemshilikter men kúmán anyqtala bastaǵandyqtan, ony jetkizý boıynsha kelissózder toqtatylǵan.
«Biz koronavırýsqa qarsy vaktsına shyǵaratyn barlyq eldermen kelissózder júrgizip jatqanymyzdy aıttyq. AstraZeneca vaktsınasyn jetkizý boıynsha da kelissózder júrgizildi. Sodan keıin ýaqytsha toqtadyq, biraq qazir kelissózderdi qaıta bastaýǵa, klınıkalyq zertteýlerdiń nátıjelerin kórýge daıynbyz, óıtkeni bizde bul vaktsınaǵa qyzyǵýshylyq bar. Biraq bul kelisimge qol qoıyldy jáne kúni erteń AstraZeneca bizdiń elde bolady degendi bildirmeıdi. Bul áńgime barlyq nátıjelerdi zerttep, muqııat teksergennen keıin ǵana bastalady», - dedi Erjan Baıtanaev Ortalyq kommýnıkatsııalar qyzmetinde ótken brıfıngte.
Densaýlyq saqtaý mınıstrligi sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova Pfizer vaktsınasyn jetkizý men saqtaý jumystary qalaı júretinin túsindirgen edi.