Qazaqstan AstraZeneca vaktsınasyn nege satyp almaı otyr

NUR-SULTAN. QazAqparat – Densaýlyq saqtaý mınıstrliginiń Medıtsınalyq jáne farmatsevtıkalyq baqylaý komıteti tóraǵasynyń orynbasary Nurlybek Asylbekov koronavırýske qarsy qandaı sheteldik vaktsına óndirýshilermen kelissózder júrgizilip jatqanyn aıtty, dep habarlaıdy QazAqparat tilshisi.

«AstraZeneca boıynsha kelissózder bolǵan. Biraq ol másele boıynsha belsendi kelisimder jasalǵan joq deýge bolady. Qazirgi tańda vaktsınalaý máselesi ózekti ekenin bilip otyrsyzdar. Bárimiz BAQ-tan kóz almaı otyrmyz. Keıbir eýropalyq elder vaktsınalaýdy ýaqytsha toqtatyp jatyr. Bul turǵyda biz belsendimiz. Keri áseri meılinshe az dármekter boıynsha kóbirek kelissózdar júrgizýdemiz», - dedi Nurlybek Asylbekov.

Ol, sondaı-aq, qazir Pfizer, Moderna, Sinovac, Johnson & Johnson sııaqty birneshe vaktsına boıynsha kelissózder júrip jatqanyn atady.

«Buǵan deıin biz bul týraly aıtqanbyz. Biraq ol kelissózder jasyryn júrip jatyr deýden aýlaqpyn. Naqty qashan jetkiziletini týraly jáne baǵasy boıynsha keıin bólek aqparat bolady», - dedi komıtet ókili.