Qazaqstan Astanada Qytaı kompanııasymen birge 10G ınternetti synaqtan ótkizbekshi
ASTANA. KAZINFORM — Astana ákimdigi Huawei kompanııasymen birge 10G keń jolaqty baılanys jelisin demonstratsııalyq synaqtan ótkizetin pılottyq jobany iske asyrmaqshy.
Astanadaǵy «Ortalyq Azııa — Qytaı» ekinshi ındýstrııalyq-ınvestıtsııalyq yntymaqtastyq forýmynda qol qoıylǵan qujattardyń birinde osyndaı mámle bar.
Jobanyń aty — «Huawei 10G keńjolaqty jelisin demonstratsııalyq synaqtan ótkizý» pılottyq jobasyn júzege asyrý. Kelisimge Astana qalasynyń ákimdigi men «Hýaveı Teknolodjız Kazahstan» JShS qol qoıdy.
«Kazakh Invest» kompanııasynyń málimeti boıynsha, joba aıasynda 50G PON tehnologııasy negizinde telekommýnıkatsııalyq sheshimderdi engizý kózdelgen.
Buǵan deıin Tsıfrlyq damý, ınnovatsııalar jáne aeroǵarysh ónerkásibi mınıstrligi men «Qazaqtelekom» AQ 3000-nan astam aýyldy ınternetke qosý týraly ınvestıtsııalyq kelisim jasasqan edi.