Qazaqstan Astana protsesine qatysýshy memleketter basshylarynyń kezdesýin qabyldaýǵa daıyn
«Biz Sırııa Úkimet men oppozıtsııa qatysatyn Astana formatynyń odan ári jalǵasýyn qoldaımyz. Kelissózderdiń kelesi raýndyna biz osyndaı kelisim berdik. BUU qamqorlyǵymen Sırııanyń konstıtýtsııalyq komıtetin qurý jónindegi kúsh-jigerdi qoldaımyz. Osy aıdyń sońynda Astanada kelissózderdiń 11 raýndyn ótkizý josparlanǵan. Qajettilik týyndaǵan jaǵdaıda biz Astana protsesine qatysýshy memleketter basshylarynyń kezdesýin ózimizde qabyldaýǵa daıynbyz», - dep atap ótti Elbasy.
Sonymen qatar, Memleket basshysy Qazaqstan jáne búkil Ortalyq Azııa úshin Aýǵanstandaǵy jaǵdaıdyń turaqtalýy da zor mańyzǵa ıe ekendigin basa aıtty.
«Biz ol jaqta bolyp jatqan protsesterdi baıqap otyrmyz. Talıban men úkimet kelissózder ústeline otyrýy úshin kelissózder júrgizilip jatyr. Biz munyń tabysqa jetkendigin qalaımyz», - dedi QR Prezıdenti.
Nursultan Nazarbaev Aýǵanstandaǵy áleýmettik-ekonomıkalyq ahýaldyń túzelýine Qazaqstan óz úlesin qosyp kele jatqanyn basa aıtty.
«Biz aýǵanishilik dıalogty jolǵa qoıý jónindegi barlyq jumys formatyna qoldaý kórsetemiz», - dedi Elbasy.
