Qazaqstan áskerlerdi qunarlyǵy mol taǵammen qamtamasyz etýde alda keledi
ASTANA. 8 mamyr. QazAqparat - Osy jýyrda sarbazdar tamaqtarynyń mázirleri ózgerdi. Atap aıtqanda, burynǵy taǵamdardyń mólsherine qosymsha et, taýyq eti, aıran, bal, sarymsaq, bolgar buryshy jáne kókshóp qosyldy.
Sóıtip, kúndelikti taǵamdarynyń qundylyǵy joǵarylap, kórshi reseılikterdikimen salystyrǵanda 476 kkal-ǵa artty, ıaǵnı qazir 4850 kkal-ny quraıdy. 1990 jyldary áskerlerdi qajetti azyq-túlikpen qamtý jaǵy óte tómen bolǵan eken. Jyldan-jylǵa artyp, qazir qajetti mólsherge jetken. Aıta keteıik, AQSh áskerleri tamaqtarynyń energetıkalyq qundylyǵy - 4255, Germanııa Qarýly Kúshteriniki 3950 kkal-dy quraıdy. Qazirgi kezde elimizdiń Qarýly Kúshterinde Otan aldynda boryshyn ótep júrgenderdiń qurǵaq paektarynyń quramyna qurt, kepken órik, meıiz qosý arqyly jetildirý máselesi talqylanyp jatqan kórinedi. Jalpy aıtsaq, «Qazaq taǵamtaný akademııasynyń» aralasýymen áskerı taǵamdardy halyqaralyq talapqa saı baıytý qolǵa alynǵan. Mundaı jańa norma 2014 jyldyń bas sheninde engiziletin bolady, dep jazady «Alash aınasy» basylymy.
