Qazaqstan áskeriniń sportshylary olımpıada oıyndarynyń joldamalaryn ıelendi
ASTANA. 17 naýryz. QazAqparat - Armııa sportshylary olımpıada oıyndaryna joldama aldy.
«Jaqynda armııa sportshylarynyń 2011 jylǵy VII qysqy Azııa oıyndarynda, 5-shi Dúnıejúzilik armııa oıyndarynda, NATO elderi men seriktesteriniń armııa komandalary arasyndaǵy 48-shi «SHAPE-2011» basketboldan halyqaralyq jarysta jarqyn jeńisterine kýáger bolǵan edik. Qazaqstan armııasynyń sportshylary ımıdjdik is-sharalarda - Qazaqstan Respýblıkasynyń Qorǵanys mınıstriniń kýbogyna taekvando men mýaıtaıdan jáne jyl saıynǵy Keńes Odaǵynyń batyry, «Halyq qaharmany» armııa generaly S. Nurmaǵambetovtiń júldelerine bokstan halyqaralyq týrnır, sondaı-aq, basqa da halyqaralyq jáne respýblıkalyq jarystarda tamasha jetistikterge jetken bolatyn», - delingen QR Qorǵanys mınıstrliniń málimetinde.
Bıyl, Qazaqstan Respýblıkasynyń Qarýly kúshteriniń 20 jyldyq mereıtoıy qarsanynda armııashylar úlken jetistikterge jetip, mańyzdy sporttyq is-sharalarǵa maqsatty daıyndala bastady. Ońtústik Koreıadaǵy Azııa chempıonatynda bıatlonnan sheberlik kórsetken - qatardaǵy jaýynger Galına Okolzdaeva 7,5 shaqyrymdyq jarysta altyn alsa, 15 shaqyrymdyq jarysta kúmiske ıe boldy, al estafetada 2-shi oryndy qatardaǵy jaýynger Anna Kıstanova ıelendi. 10 shaqyrymdyq jarys pen estafetada efreıtor Nıkolaı Braıchenko eki ret kúmis júldeger boldy.
Almatyda qysqy birinshilikte «AOSK» QR QK fýtboldan qurama komandasy jeńiske jetken edi. Gýmmı qalasyndaǵy (Ońtústik Koreıa) grek-rımdik, erkin jáne áıelder arasyndaǵy kúresten Azııa chempıonatynda kelisimshart boıynsha serjant Elena Shalygına birinshi orynǵa ıe boldy. Basketboldan joǵary lıganyń erler komandasy arasynda QR chempıonatyndaǵy úsh týrdyń qorytyndysy boıynsha «AOSK» QR QK qurama komandasy 3-shi oryndy aldy. «Álem sheberleri» kýbogyna dzıýdodan jarysta kelisimshart boıynsha qatardaǵy jaýynger Gúljan Isanova qola medaldi utty. Al Ǵ.Jarylǵapovtyń qurmetine halyqaralyq jarysta QR QK bokstan qurama komandasy ekinshi oryndy ıelendi.
Búgingi tańda QR Ulttyq quramasyndaǵy armııashylar Londonda (Ulybrıtanııa) ótetin 2012 jylǵy 30-shy jazǵy Olımpıada oıyndaryna belsendi daıarlanýda jáne qazirgi kezde qorlarynda 12 lıtsenzııa bar (jalpy 62 lıtsenzııa ishinde 19% quraıdy).
