Qazaqstan áskerinde 19 saılaý ýchaskesi ashyldy
Qorǵanys mınıstriliginde ótken apparat keńesinde aldaǵy ýaqytqa arnalǵan tapsyrmalar belgilendi.
Qorǵanys vedomstvosynyń basshysy laýazymdy adamdardyń jaýyngerlik daıarlyq, áskerı obektilerdiń dıversııaǵa qarsy qaýipsizdigi, sondaı-aq áskerı tártibi týraly baıandamalaryn tyńdady.
Bas qolbasshylar 2020 jyldyń jeltoqsan aıynyń sońynda bitken mamandyq jónindegi daıarlyq nátıjeleri jáne bólimderdiń úılesimdiligi bastalǵany jóninde aıtty.
Bas shtabqa sabaqtardy ótkizý sapasyn, jeke quramnyń bilimdi tolyq meńgerýin jáne qajetti daǵdylardy qalyptastyrýdy baqylaýyn uıymdastyrý tapsyryldy.
Ásker daıarlaý kezinde formalızm men nemquraılylyqqa jol bermeýge nazar aýdaryldy.
Parlament Májilisi depýtattarynyń saılaýyna áskerı qyzmetshilerdiń qatysýy týraly másele jeke qaraldy.
Qorǵanys mınıstri, general-leıtenant Nurlan Ermekbaev bul el taǵdyry úshin jaýapty jáne mańyzdy is-shara ekenin atap ótti.
Sondyqtan árkimge óziniń azamattyq ustanymyn tanytýǵa, daýys berýge qatysýǵa múmkindik berý kerektigin aıtty.
Qarýly Kúsh ofıtserleri, kelisimshart boıynsha áskerı qyzmetshiler men azamattyq personaldary saılaýǵa turǵylyqty mekenjaıy boıynsha qatysa alady.
Merzimdi qyzmettegi áskerı qyzmetshiler men áskerı oqý oryndarynyń kýrsanttary úshin Qorǵanys mınıstrliginiń áskerı bólimderi men mekemelerinde 19 saılaý ýchaskesi qurylǵan.
Qorǵanys vedomstvosynyń basshysy qoldanystaǵy zańnamaǵa sáıkes, sondaı-aq sanıtarlyq-epıdemıologııalyq sharalardy eskere otyryp, bul ýchaskelerge senim bildirgen tulǵalar men baıqaýshylar jiberilýi múmkin.
Qorǵanys vedomstvosynyń basshysy daýys berý barysynda «Saılaý týraly» zańdy qatań qadaǵalaý, sonymen qatar jeke quram arasynda quqyqtyq tártip pen áskerı tártipti saqtaý qajettigin atap ótti.
