Qazaqstan áskerıleri úshin jańa turǵyn úı baǵdarlamasy iske asyrylady - QR Prezıdenti

ASTANA. QazAqparat - Bıyldan bastap áskerılerler úshin jańa turǵyn úı baǵdarlamasy iske asyrylady. Bul týraly Elbasy - QR QK Joǵarǵy Bas Qolbasshysy Nursultan Nazarbaev Astanadaǵy «Qazaqstan» Ortalyq kontsert zalynda ótip jatqan merekelik kontserttiń aldynda sóılegen sózinde málim etti.

«Jaýyngerlerimizdiń áleýmettik turmysyn memleket tolyq qamtamasyz etedi. Bıyl bizdiń jaýyngerlerimizge arnalǵan jańa turǵyn úı baǵdarlamasy iske asyrylmaq. Taıaý jyldarda ony sheshetin bolamyz, ıaǵnı bul baǵdarlama sarbazdardy baspanamen qamtamasyz etý máselesin aldaǵy 4-5 jylda sheshedi», - dedi Prezıdent.

Sonymen qatar Memleket basshysy 2017 jyldyń 1 qańtarynan bastap áskerı qyzmetkerlerdiń jalaqysy da kóteriletinin atap ótti.

«Áskerlerimizdiń qyzmetterin alańsyz atqarý úshin memleket barlyǵyn óz tarapynan jasap otyrǵanyn kórip otyrsyzdar», - dep atap ótti Elbasy.