Qazaqstan áskerıleri oqý-jattyǵý kezinde shartty terrorıstik toptyń kózin joıdy (FOTO)

ASTANA. QazAqparat - 15-17 qańtar aralyǵynda Qurlyq áskerleri bas qolbasshysynyń basqarmasynda jaýyngerlik jáne jedel daıarlyq josparyna sáıkes general-leıtenant Murat Maıkeevtiń basshylyǵymen birlesken shtabtyq jattyǵý ótti. Bul týraly QR Qorǵanys mınıstrliginiń baspasóz qyzmetinen habarlandy.

«Birlesken shtabtyq jattyǵýdyń jospary boıynsha shartty memlekettiń aýmaǵyna bosqyndar túrinde ekstremıstik, terrorıstik jáne separatıstik uıymdardyń toptary enip ketedi. Jattyǵý barysynda áskerı qyzmetshiler zańsyz qarýly qurylymdy oqshaýlap, ony joıdy jáne basyp kirýge toıtarys berdi», - delingen baspasóz habarlamasynda.

Óńirlik qolbasshylyqtar shtabtarynyń qatysýymen ótkizilip otyrǵan jattyǵýdyń ózektiliginiń qazirgi zamanǵy geosaıası ózgeristerge negizdelip otyrǵanyn atap ótken jón.