Qazaqstan áskerıleri Lıvandaǵy bitimgerlik mıssııasyna ázirlenip jatyr

ASTANA. QazAqparat - Qazaqstannyń bitimger rotasy Lıvanǵa sapar shegýge qyzý daıyndalyp jatyr, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

Qazaqstandyq «Kók kaskalardy» BUU-nyń úndistandyq bitimgerlik kontıngentiniń tájirıbeli ofıtserleri daıyndap jatyr. Qazaqstandyqtar Lıvandaǵy bitimgerlik mıssııasyna ÚndQazBat quramynda kúzde attanady.

Oqýdyń teorııalyq bóliginde qazaqstandyq bitimgerler Birikken Ulttar Uıymynyń jalpy erejeleri jáne qurylymdarymen, Lıvandaǵy bitimgerlik mıssııasynyń erekshelikterimen tanysyp jatyr. Al praktıkada blokpostardaǵy, baqylaý-ótkizý beketterindegi qyzmettik daǵdylaryn shyńdaıdy.