Qazaqstan áskerıleri ArMI-2016 saıysyna ázir (FOTO)

ASTANA. QazAqparat - Armııa halyqaralyq oıyndary-2016 jarysynyń resmı bastalýyna nebári birneshe kún qana qaldy. Alaıda, komandamyz tolyq ázir, dep habarlaıdy QR Qorǵansy mınıstrliginiń baspasóz qyzmeti.

Tańsáriden bastap Alabıno polıgonynda daıyndyq júrip jatyr. Qazir Máskeý oblysynda qazaqstandyq quramanyń birneshe komandasy júr. Bul «Tank bıatlony» saıysynyń qatysýshylary, «Sývorov tegeýrini» baıqaýy jaıaý áskerdiń urys mashınalarynyń ekıpajdary, kınologtar men qyzmettik ıtter, «Adal dos» baıqaýyna qatysýshylar men «Dalalyq as úı» baıqaýynda óner kórsetetin áskerı aspazshylar. Olardyń birshamasy úshin saıystyń alǵashqy kezeńderi men alǵashqy tartys búgin bastalady.

Qazaqstannyń tank ekıpajdary búgin Reseı, Úndistan jáne Serbııanyń komandalarymen ózderiniń alǵashqy konkýrstyq tartysyn bastamaq. Jaıaý ásker urys mashınalary ekıpajdarynyń da bastalý aldyndaǵy daıyndyǵy. Bizdiń motoatqyshtar JÁJM-2 shtattyq qarý-jaraǵyn salystyra tekserý men atyp kórýdi ótkizdi. 2A42 zeńbiregi 30 mm kalıbrli 15 oq-dáriden ortasha eseppen 8-10 snarıad nysanaǵa dóp tıdi. Bul kózdeýshi-operatorlardyń joǵary daıyndyǵy men kásipqoılyǵynyń dáleli. «Adal dos» baıqaýynyń qatysýshylary, debıýtanttarymyz saıysqa qamdanýda.

Qyzmettik ıtter akklımatızatsııadan ótip, kınologtar birden jattyǵýlarǵa kirisip ketti. Osy jyly armııa oıyndary kóptegen áskerı qyzmetshilerimiz úshin debıýt boldy. Olardyń qatarynda áskerı aspazshylar da bar. «Dalalyq ashana» baıqaýy quramamyzdyń óner kórsetýindegi aıryqsha qospa. Oıynnyń ashylýy kúninde qonaqtar men qatysýshylar ArMI-2016 qatysýshy elderiniń aspazshylar quramymen ázirlengen qazaq, orys, belorýs, úndi, qyrǵyz, qytaı, kýveıt, ázirbaıjan, armıan, qyrǵyz, mońǵol, serb jáne tájiktiń ulttyq taǵamdarynan dám tatyp, baǵa bere alady.

Azyq-túlik qyzmetiniń dalalyq quraldarynda daıyndaıtyn bolady. Tartys barysynda áskerı aspazshylarymyzǵa ózderiniń aspazdyq sheberlikterin ǵana emes, sonymen birge, dene daıarlyqtaryn jáne qarýdy meńgerý sheberlikterin pash etýge týra keledi. ArMI-2016 saıysynda qazaqstandyq armııa 23 baıqaýdyń 21-ine qatysatynyn aıta ketken jón. Áskerı qyzmetshilerimiz nıet bildirgen saıys sany boıynsha Qazaqstan Qarýly Kúshteriniń quramasy alǵashqy úshtikte tur. Komandalarymyz jaqsy nátıje kórsetip, jeńimpaz atanýǵa úmitti.