Qazaqstan áskerı joǵary oqý oryndarynyń 600-den astam kýrsanty áskerı ant qabyldady (FOTO)
Ózderiniń týma-týysqandary, komandırleri men kýrstastary, sondaı-aq Uly Otan soǵysy men QR Qarýly Kúshteri ardagerleriniń aldynda 603 kýrsant sert berdi. Onyń 340-y Qurlyq áskeri Áskerı ınstıtýty tyńdaýshylarynyń qataryn tolyqtyrdy. Joǵary oqý orny úshin bul aldyńǵy jyldar ishindegi eń úlken irikteý boldy. 156 bozbala bıylǵy jyly Radıoelektronıka jáne baılanys áskerı-ınjenerlik ınstıtýtyna oqýǵa tústi. Taǵy 107 adam Keńes Odaǵynyń eki márte batyry Talǵat Bıgeldınov atyndaǵy Áýe qorǵanysy kúshteri Áskerı ınstıýtynyń kýrsanttary atandy. 2014-2015 oqý jylynda Radıoelektronıka jáne baılanys áskerı-ınjenerlik ınstıtýtyn 207 adam támamdaǵanyn aıta ketken jón. 4-ýi bilimimen altyn medalǵa ıe boldy, 13 túlek úzdik dılom aldy. Qurlyq áskerleriniń Áskerı ınstıtýty 368 ofıtserdi shyǵardy, olardyń ishinde 18 kýrsant Qyrǵyz Respýblıkasy jáne 8 kýrsant Tájikstan Respýblıkasynan. Al Áýe qorǵanysy kúshteri Áskerı ınstıtýtynyń túlekteri osy jyldyń kúzinde joǵary oqý ornyn aıaqtaıdy.