Qazaqstannyń áskerı teńizshileri Bahreınde sýasty mınalaryn tazartýǵa qatysady
ASTANA. KAZINFORM – QR Qarýly kúshteri Áskerı-teńiz kúshteriniń bes áskerı qyzmetshisi Bahreın Koroldiginiń Manama qalasynda sý asty mınalaryn tazartý boıynsha halyqaralyq kýrstarǵa qatysty.
Parsy shyǵanaǵy akvatorııasynda praktıkalyq súńgý barysynda áskerı qyzmetshiler sý astyndaǵy jarylǵysh zattardy anyqtaý jáne beıtaraptandyrý taktıkasyn pysyqtady.
– Mundaı is-sharalarǵa qatysý ozyq ádistemeler men tehnologııalardy qabyldaýǵa múmkindik beredi. Jaǵalaý aımaqtarynda qaýipsizdikti qamtamasyz etý jónindegi operatsııalarǵa daıyndyqty arttyrýǵa jáne seriktes elderdiń áriptesterimen ózara is-qımyldy nyǵaıtýǵa yqpal etedi, - dep túsindirdi kapıtan-leıtenant Jánibek Salyqbaev.
Sondaı-aq sý asty mınalaryn tazartý boıynsha kýrstar halyqaralyq áskerı yntymaqtastyq aıasynda ótkizilgenin atap ótken jón.
Buǵan deıin Bas prokýror Berik Asylov áskerı bólimderde zamanaýı IT júıelermen beınebaqylaý ornatylatynyn habarlaǵan bolatyn.