Qazaqstan Áskerı-teńiz Kúshteriniń kemeleri Kaspııde oqý-jattyǵý mindetterin oryndaýda
Bul ýaqyt aralyǵynda áskerı teńizshiler sýdyń tereńdigine qaraı kúndizgi jáne túngi ýaqytta izdestirý-qutqarý jumystaryn júrgizý sheberligin shyńdap, Kaspıı teńiziniń qazaqstandyq sektoryndaǵy aýmaǵyn jaǵalaı áskerı kememen júzip ótýdi oryndaıdy. Bul ýaqyt aralyǵynda áskerı teńizshiler sýdyń tereńdigine qaraı kúndizgi jáne túngi ýaqytta izdestirý-qutqarý jumystaryn júrgizý sheberligin shyńdap, Kaspıı teńiziniń qazaqstandyq sektoryndaǵy aýmaǵyn jaǵalaı áskerı kememen júzip ótýdi oryndaıdy. Qazaqstan Áskerı-teńiz Kúshteriniń árbir kemesi teńizge shyǵý aıasynda 901,6 teńizdik mıl (shamamen 1700 kılometr) baǵytynda júzip ótedi.
QR QK Áskerı-teńiz Kúshteri qolbasshysy basqarmasynyń málimetinshe, atalǵan oqý-jattyǵý Qazaqstannyń ÁTK áskerı daıarlyq baǵdarlamasynda udaıy qarastyrylǵan. Ol turaqty áskerı daıyndyqty qoldaýǵa jáne áskerılerdiń teńizdegi daǵdylaryn arttyrýǵa arnalǵan. Onyń aıasynda teńizshiler Kaspıı teńiziniń qazaqstandyq aýmaǵyndaǵy sýdyń asty-ústindegi ahýaldy zertteıdi.
Sondaı-aq, jaǵalaýǵa jaqyn júzý, navıgatsııalyq qaýipterdi eńserý, 30-40 metrge ıakor tastaý, áskerı kemeniń qarý-jaraǵynan artıllerııalyq oq atýdy oryndaıdy.
Aıta keteıik, búgingi tańda Áskerı-teńiz Kúshteri mınalyq-kólikter, áskerı raketalyq-artıllerııalyq kemelermen qamtylǵan. 2020 jylǵa deıin kezeń boıynsha damytý josparyna sáıkes Áskerı-teńiz Kúshterin qosymsha zamanaýı kemeler men kómekshi qaıyqtarmen jaraqtaý josparlanyp otyr, dep habarlaıdy QR QM baspasóz qyzmeti.