Qazaqstan áskerı -teńiz kúshterine tehnıkalyq qyzmet kórsetetin zerthana ashyldy

ASTANA. QazAqparat - «Qazaqstan ınjınırıng» ulttyq kompanııasynyń quramyna kiretin «Gıdroprıbor» ǴZI ónim óndirý men jobalaýdan tys, servıs jáne jóndeý qyzmetterin de usynyp otyr, dep habarlaıdy «QazAqparat» HAA tilshisi QR Qorǵanys jáne aeroǵarysh ónerkásibi mınıstrliniń baspasóz qyzmetine silteme jasap.

Atap aıtqanda, ınstıtýttyń óndiristik bazasynda Qazaqstan Áskerı teńiz kúshteriniń sý asty robot tehnıkalary men ESA Robotics (Frantsııa) kompanııasynyń sý asty apparattaryna servıstik jáne aǵymdaǵy tehnıkalyq qyzmet kórsetiledi.

Zerthanany ornalastyrýǵa arnaıy mamandandyrylǵan ǵımarat berildi, qajetti qural-jabdyqtar men qondyrǵylar satyp alyndy. Zerthanada túrli modýldegi apparattar jóndeledi nemese jańasyna aýystyrylady. Atalǵan zerthanada apparattardyń jumysqa qabilettiligin qaıta qalpyna keltirý boıynsha búkil jumystardy atqarýǵa bolady,  deıdi baspasóz qyzmetindegiler.