Qazaqstan Áskerı-teńiz kúshteri jańa mına-tartqysh korablimen tolyqtyrylady
QR QK Áskerı-teńiz kúshteri bas qolbasshysy basqarmasynyń aıtýynsha, korabl bazalardyń, kemejaılardyń, keme joldary men jaǵa mańynyń sý aıdyndaryn mınaǵa qarsy qorǵaý úshin arnalǵan. Ol kiriktirilgen shaǵyn gabarıtti navıgatsııa jáne turaqtandyrý júıesimen, korabldi gıdrometeorologııalyq qamtamasyz etý keshenimen, spýtnıktik navıgatsııalyq júıelerdi qabyldaý apparatýrasymen, jahandyq teńiz baılanysy júıesiniń, radıotranslıatsııa jáne baqylaý apparatýrasymen jabdyqtalǵan. Sonymen birge, kemeniń jappaı joıý qarýynan qorǵaý qasıetteri, ámbebap sý jáne magnıttik qorǵaý júıeleri, hımııaǵa qarsy jeldetkishi men jaraqtandyrýda atysty avtomattandyrylǵan basqarý júıesi bar AK-306 shtattyq artıllerııalyq kesheni, 12,7 mm oqshashary jáne tartqysh qarý-jaraǵy bar. Qazirgi ýaqytta QR QK ÁTK jaraqtandyrýynda qazirgi zamanǵy zymyran-artıllerııalyq korablderi, shaǵyn kúzet kemeleri men katerleri tur. Atalǵan mına-tartqysh korabli osy arsenaldy tolyqtyrady, ony iske qosý qazaqstandyq Áskerı-teńiz kúshteriniń jaýyngerlik qabilettiligin arttyrýǵa yqpal etedi, dep habarlaıdy QR QM baspasóz qyzmeti.