Qazaqstan Áskerı-teńiz kúshteri «Shaǵala-2013» jattyǵýyn bastady
Jaýyngerlik shara barysynda áskerı qyzmetshilerge qoıylatyn basty tapsyrma Kaspıı teńiziniń qazaqstandyq sektoryndaǵy strategııalyq nysandardy, jasandy araldardy, munaı-gaz keshenderi nysandaryn qorǵaý jáne saqtaý bolyp tabylady.
Úsh kúndik jattyǵý kezinde memlekettik shekarany kúsheıtý, jańa «Qazaqstan» men «Oral» raketalyq-artıllerııalyq kemelerinen jaýyngerlik atys júrgizý kezinde teńizdegi kemelerdi kúzetý men qorǵaý sharalaryn júzege asyrý josparlanýda.
QR QK Áskerı-teńiz kúshteriniń bas qolbasshysy kontr-admıral Jandarbek Janzaqovtyń aıtýy boıynsha «Shaǵala-2013» jattyǵýy Áskerı-teńiz kúshteri shtabtarynyń daıyndyq deńgeıin tekserýge, basqa da ásker túrlerimen jáne tekterimen ózara is-qımylyn uıymdastyrýǵa, sondaı-aq keme ekıpajdarynyń ár túrli navıgatsııalyq jáne urys jaǵdaıynda qoıylǵan tapsyrmany oryndaýda tájirıbe júzinde biliktilikterin jetildire túsýlerine múmkindik bermek.