Qazaqstan áskeri radıatsııalyq, hımııalyq jáne bıologııalyq qorǵaný quraldarynyń jańa úlgilerimen qamtamasyz etilgen
Jıyn negizgi pánder boıynsha bilimdi jetildirý jáne kásibı daıyndyqtyń deńgeıin tekserý maqsatynda ótkizildi.
QR QM baspasóz qyzmetiniń málimetinshe, on kún boıy bólim komandırleri men Qurlyq áskerleri brıgadalarynyń radıatsııalyq, hımııalyq jáne bıologııalyq qorǵaný qyzmeti bastyqtary arnaıy, arnaıy-taktıkalyq, dene tárbıesi sabaqtaryna tartyldy. Olarda radıatsııalyq, hımııalyq jáne bıologııalyq urysta qorǵanýdy josparlaý jáne uıymdastyrý qamtyldy.
Jıyn barysynda ofıtserlerge qazirgi zamanǵy qarý-jaraqtar men qazaqstan armııasynda bar radıatsııalyq, hımııalyq jáne bıologııalyq quraldardyń úlgileri kórsetildi.
«Qarýly Kúshter basshylyǵy radıatsııalyq, hımııalyq jáne bıologııalyq qorǵanystyń materıaldyq bazasynyń damýy men jetildirilýine basa nazar aýdarady. Bizdiń quramalar men bólimder zaman talabyna jaýap bere alatyn qarý-jaraq pen radıatsııalyq, hımııalyq jáne bıologııalyq quraldardyń jańa úlgilerimen qamtamasyz etilgen»,-dep atap ótti Qurlyq áskerleri radıatsııalyq, hımııalyq jáne bıologııalyq qorǵaný basqarmasynyń bastyǵy polkovnık Táttibek Samaev.
Ofıtserler shara sońynda keshendi synaqty jaqsy degen baǵaǵa tapsyrdy. Jıynda oqylǵan dárister men ótkizilgen tájirıbelik sabaqtar komandırlerdiń kúndelikti jumystaryna úlken kómek bolary anyq.