Qazaqstan áskeri «Myzǵymas baýyrlastyq-2021» oqý-jattyǵýlaryna qatysady

NUR-SULTAN. QazAqparat - Qazaqstan Respýblıkasy Qarýly Kúshteriniń áskerı qyzmetshileri UQShU Bitimgershilik kúshterimen oqý-jattyǵýlarǵa qatysý úshin Reseı Federatsııasyna bardy, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

Oqý-jattyǵýdyń ashylýy rásimi búgin, 8 qarashada Qazandaǵy Jýkov Qyzyl tý ordeni joǵary komandalyq tank ýchılışesiniń polıgonynda ótedi. Oqý-jattyǵýdyń negizgi mindeti – beıbitshilikti qoldaý jónindegi operatsııalardy júrgizýde UQShU Ujymdyq bitimgershilik kúshteriniń quramyna kiretin áskerı bólimder men bólimshelerdiń úılesimdiligin arttyrý.

UQShU Ujymdyq kúshteriniń toptary aldynda bitimgershilik operatsııany daıyndaý jáne júrgizý boıynsha tapsyrmalardy pysyqtaý mindeti tur. Bitimgerlerdiń oqý-jaýyngerlik tapsyrmalaryna bosqyndar lagerinde jumys isteý, gýmanıtarlyq júgi bar lekterdi alyp júrý, daǵdarys aýdanynda ornalasqan eldi mekendi oqshaýlaý jáne tosqaýyl beketterinde qyzmet uıymdastyrý kiredi.

Oqý-jattyǵýdyń qorytyndy bóliginde Ujymdyq kúshterdiń toptary jaýyngerlik bólimshelermen «sodyrlar» ornalasqan ǵımaratqa shabýyl jasaıdy, «kepilge alynǵan adamdardy» bosatady jáne zardap shekkenderge kómek kórsetedi.

Oqý-jattyǵýǵa baqylaýshy retinde Serbııa Respýblıkasy men Halyqaralyq Qyzyl Krest komıtetiniń ókilderi shaqyryldy.