Qazaqstan áskerı qyzmetshileri taekvondodan halyqaralyq týrnırge qatysady

ASTANA. QazAqparat - Birikken Arab Ámirlikterinde taekvondodan G1 sanatyndaǵy «Fujairah Open 2019» halyqaralyq týrnıri ótedi. Atalǵan halyqaralyq dodaǵa QR Qorǵanys mınıstrligi Sport komıteti - Ortalyq áskerı sport klýbynyń sportshylary da qatyspaq, dep habarlaıdy QazAqparat tilshisi.

QR Qorǵanys mınıstrliginiń málimetinshe, aqpannyń 1-3 aralyǵynda ótetin halyqaralyq týrnırde Qazaqstan ulttyq qurama komandasynyń músheleri kishi serjanttar Rýslan Japarov pen Nursultan Mamaev, qatardaǵyjaýyngerler Rýslan Harlampıev pen Baýyrjan Jumabekov el namysyn qorǵaıtyn bolady.

Aıta keterligi, «Fujairah Open 2019» halyqaralyq týrnıri barysynda búkil dúnıejúzi sportshylary 2020 jyly ótetin Olımpıada oıyndaryna iligý maqsatynda álemdik reıtıngtik upaı úshin kúsh synasady.