Qazaqstan áskerı qýaty boıynsha Ortalyq Azııada taǵy da úzdik atandy
ASTANA.KAZINFORM - Jańartylǵan Global Firepower reıtıngi boıynsha Qazaqstan 145 eldiń arasynda 57 orynǵa ıe boldy.
Bul reıtıng dúnıe júzindegi elderdiń qazirgi áskerı qýatyna negizdelgen. Alǵashqy bestikke AQSh, Reseı, Qytaı, Úndistan jáne Ońtústik Koreıa kirdi.
Qazaqstan Global Firepower (GFP) 2025 reıtınginde 1,1016 upaı jınap, 58-shi orynnan 57-shi orynǵa kóterildi. Bul rette elimiz áskerı qýaty jaǵynan Ortalyq Azııadaǵy eń úzdik memleket mártebesin saqtap qaldy.
Ortalyq Azııa:
Qazaqstan – 57 oryn
Ózbekstan – 58-oryn
Túrkimenstan – 77 oryn
Qyrǵyzstan – 105-oryn
Tájikstan – 108-oryn.
Reıtıng ár el úshin áskerı bólimderdiń sany men qarjylyq jaǵdaıynan bastap logıstıkalyq múmkindikteri men geografııasyna deıingi 60-tan astam faktordy eskeredi, delingen veb-saıttaǵy málimdemede.
Ótken jyly Qazaqstan áskerı kúshter reıtınginde 58-oryn, 2023 jyly 63-orynǵa ıe bolǵan bolatyn.
Aqtaý garnızonynyń áskerı qyzmetshileri ushaq apatynan zardap shekken jolaýshylarǵa qan tapsyrǵanyn jazǵan bolatynbyz.