Qazaqstan áskeri qazaq tilin oqytýdyń eń myqty ortasy bolyp otyr

Bul týraly búgin Úkimette Premer-Mınıstr Kárim Másimovtiń tóraǵalyǵymen ótip jatqan Tildirdi qoldaný men damytýdyń 2011-2020 jyldarǵa arnalǵan memlekettik baǵdarlamasynyń jobasyn talqylaýǵa arnalǵan keńeıtilgen májilistiń otyrysynda QR Mádenıet mınıstri Muhtar Qul-Muhammed málim etti.

«Keńes odaǵy zamanynda ásker orys tildi oqytýdyń, úıretýdiń ortasy bolatyn. Aýyldan bir aýyz oryssha bilmeıtin balalar áskerge kelip, jaqsy meńgerip alatyn. Al qazirgi kezde ásker qazaq tilin oqytýdyń eń bir myqty ortasy bolyp otyr. Sebebi bar», - dedi mınıstr.

Qazaqstandaǵy halyqtyń 60 paıyzdan astamy qazaq halqy ekenine toqtalǵan mınıstr, «sonyń ishinde jasyratyny joq qolynda múmkindigi bar, qoly uzyn qazaqtar balalaryn oqýǵa túsirip, shetelge jiberedi. Oqýǵa túsken bala áskerge barmaıdy. Atap aıtqanda, naǵyz aýylda ósken balalar ásker qataryna qabyldanady. ıAǵnı, áskerge osy aýyldyń balalary barady jáne 20-ǵa deıingi jastar arasyndaǵy qazaqtardyń úles salmaǵy qazirgi kezde 75 paıyz. Sonda olar áskerge kelgennen keıin, ózderiniń áriptesterine, qatarlastaryna qazaqsha sóıleýdi talap etedi jáne qazaqsha úıretedi», dedi.

Osyǵan baılanysty M.Qul-Muhammed búginde áskerge barǵan ózge ult ókilderi men qaladan barǵan keıbir qazaq balalary áskerden qaıtqan kezde qazaq tilin óte jaqsy meńgeretinin aıtyp ótti.