Qazaqstan áskeri qashan tolyq qazaqshalanady

ASTANA. KAZINFORM – Búginde áskerı oqý oryndarynda kýrsanttardyń 70 paıyzy memlekettik tilde bilim alyp jatyr. 

әскер
Фото: ҚР ІІМ Ұлттық ұланының баспасөз қызметі

Májilistiń jalpy otyrysynan keıin BAQ ókilderi Qorǵanys mınıstriniń orynbasary Shaıh-Hasan Jazyqbaev áskerdegi ana tildiń jaǵdaıyna qatysty saýal qoıdy. Másele ásker jáne áskerı oqý oryndaryndaǵy oqýlyqtardyń deni orys tilinde bolyp otyr.

— Áskerdi qazaqshalaý bastalyp ketken. Búginde áskerı oqý oryndarynda 70% qazaq tilinde bilim beriledi. Oqýlyqtarǵa kelsek, árbir áskerı tehnıkanyń nusqaýlyǵy, tehnıkalyq minezdemesi qazaq tilinde. 70 paıyzdan kóterý josparda bar, - dep qysqa qaıyrdy mınıstrdiń orynbasary. 

Buǵan deıin habarlaǵanymyzdaı, Qorǵanys mınıstrligi Kenesary han, Saǵadat Nurmaǵambetov pen Baýyrjan Momyshulynyń soǵys tásilderin zerttep jatyr.

Aıta keteıik, búgin Májilistiń jalpy otyrysynda «BUU-nyń bólýdi baqylaý jónindegi kúshterine (UNDOF) resýrs usynatyn QR Úkimeti men BUU arasyndaǵy ózara túsinistik týraly memorandýmdy ratıfıkatsııalaý týraly» zańy men «2024 jylǵy 14 aqpandaǵy BUU-nyń bólýdi baqylaý jónindegi kúshterine (UNDOF) resýrs usynatyn QR Úkimeti men BUU arasyndaǵy ózara túsinistik týraly memorandýmǵa hattar almasý nysanyndaǵy kelisimdi ratıfıkatsııalaý týraly» zańy qabyldandy.

Сейчас читают