Qazaqstan áskeri Ázerbaıjanda jattyǵý bastady
ASTANA. KAZINFORM – Ázerbaıjanda Qazaqstanmen birlesken «Tarlan-2025» oqý-jattyǵý jıyny bastaldy. Bul týraly Kazinform Ázerbaıjan Qorǵanys mınıstrliginiń resmı saıtyna silteme jasap habarlaıdy.
Oqý-jattyǵý jıyny arqyly eki eldiń Qarýly Kúshteri ushqyshsyz ushatyn apparattardy (áskerı maqsattaǵy dron – red.) qoldaný baǵytynda tájirıbe almaspaq.
Іs-sharanyń ashylý rásimi Otan qorǵaý jolynda qaza tapqan jaýyngerlerdi bir mınýt únsizdikpen eske alýdan bastaldy. Budan keıin Qazaqstan men Ázerbaıjannyń memlekettik ánurandary shyrqaldy.
Іs-sharada sóz alǵan qos taraptyń áskerı basshylary birlesken operatsııalardyń aımaqtyq qaýipsizdik pen áskerı áriptestikti nyǵaıtýda mańyzy zor atap ótti.
Saltanatty bólimnen keıin jeke quram bekitilgen stsenarıı boıynsha kezeń-kezeńimen tapsyrmalardy oryndaýǵa kiristi.
Oqý-jattyǵý jıyny 10 shildege deıin bolady. Іs-sharany eki tarap ta qorǵanys salasyndaǵy ózara yntymaqtastyqty damytýdyń mańyzdy qadamy retinde baǵalap otyr.
Bul jıyn Qazaqstan men Ázerbaıjan qorǵanys mınıstrlikteri arasyndaǵy 2025 jylǵa arnalǵan yntymaqtastyq josparyna sáıkes ótip jatqanyn aıta ketý kerek.
Eske salsaq, Qazaqstanda FPV-dron operatorlaryn daıarlaıtyn ınnovatsııalyq oqý-jattyǵý kesheni jumys istep tur.